Каталониянинг «Барселона» клуби собиқ футболчиси Кевин-Принс Боатенг олти карра "Олтин тўп" соҳиби Лионель Месси билан бирга ўйнаган даврларини эслади.
«Барселона»даги олти ойлик даврим ажойиб ўтган. Аввалига, бу таклифга ишонмадим, «Эспаньол»дан таклиф бўлди деган хаёлга боргандим, йўқ, айнан «Барселона»дан бўлган экан! Месси билан ўтказган машғулотим мени ҳайрон қолдирди. Мен доим Роналду дунёнинг энг яхши футболчиси деб айтардим, бироқ, аслида Месси умуман бошқача экан. У ғайритабиий.
Лео билан машғулот пайтида мен ўзимни фаолиятим мобайнида биринчи марта паст ҳис қилдим. У ақлбовар қилмас ишларни амалга оширганди. Ўшанда фаолиятимни якунлайман деган фикр келганди!» - деди Боатенг DAZN билан суҳбатда.
