Italiya kubogining 4-bosqichi doirasida "Jenoa" safarda "Sampdoriya" klubi mehmoni bo‘lib, irodali g‘alabaga erishdi.

Birinchi bo‘limda maydon egalari Verrening goli evaziga hisobni ochishdi. Uchrashuvni asosiy tarkibda boshlagan Eldor Shomurodov ikkinchi bo‘limda samarali harakatni amalga oshirdi. Bahsning 60-daqiqasida jamoadoshi tomonidan olis masofadan yetkazilgan uzatma natijasida Eldor to‘p bilan oldinga intildi, raqib jarima maydoniga kirdi va qulay vaziyatda turgan Skamakkaga pas berdi. Janluka esa darvozaning bo‘sh qolgan qismini ishg‘ol qilib, hisobni tenglashtirdi.

Ushbu gol Klaudio Ranyeri shogirdlarini shok holatga tushirdi shekilli, "Jenoa" keyin daqiqalarda raqib darvozasiga yana 2ta to‘p yo‘lladi. Skamakka bugungi bahsda "dubl"ga erishgan bo‘lsa, Lerager o‘z hisobiga bitta gol yozdi.

Shomurodov bahsning 85-daqiqasida o‘z o‘rnini Pyasaga bo‘shatib berdi.

Shu tariqa, "Jenoa" Italiya kubogining nimchorak final bosqichiga yo‘l oldi.

Italiya kubogi, 4-bosqich
«Sampdoriya» - «Jenoa» - 1:3 (1:0)
Gollar: Verre (18) — Skamakka (60, 62), Lerager (68)
Sampdoriya - Audero, Augello, Silva, Verre, Yankto, Torsbi, La Gumina, Toneli, Yoshida, Berejinski, Leris, Ranyeri
Jenoa – Marketti, Goldaniga, Sapata, Bani, Gilyone, Sturaro, Zays, Pellegrini, Shomurodov (Pyasa 85), Skamakka