Италия кубогининг 4-босқичи доирасида "Женоа" сафарда "Сампдория" клуби меҳмони бўлиб, иродали ғалабага эришди.

Биринчи бўлимда майдон эгалари Верренинг голи эвазига ҳисобни очишди. Учрашувни асосий таркибда бошлаган Элдор Шомуродов иккинчи бўлимда самарали ҳаракатни амалга оширди. Баҳснинг 60-дақиқасида жамоадоши томонидан олис масофадан етказилган узатма натижасида Элдор тўп билан олдинга интилди, рақиб жарима майдонига кирди ва қулай вазиятда турган Скамаккага пас берди. Жанлука эса дарвозанинг бўш қолган қисмини ишғол қилиб, ҳисобни тенглаштирди.

Ушбу гол Клаудио Раньери шогирдларини шок ҳолатга туширди шекилли, "Женоа" кейин дақиқаларда рақиб дарвозасига яна 2та тўп йўллади. Скамакка бугунги баҳсда "дубл"га эришган бўлса, Лерагер ўз ҳисобига битта гол ёзди.

Шомуродов баҳснинг 85-дақиқасида ўз ўрнини Пьяцага бўшатиб берди.

Шу тариқа, "Женоа" Италия кубогининг нимчорак финал босқичига йўл олди.

Италия кубоги, 4-босқич
«Сампдория» - «Женоа» - 1:3 (1:0)
Голлар: Верре (18) — Скамакка (60, 62), Лерагер (68)
Сампдория - Аудеро, Аугелло, Силва, Верре, Янкто, Торсби, Ла Гумина, Тонели, Йошида, Бережински, Лерис, Раньери
Женоа – Маркетти, Голданига, Сапата, Бани, Гильоне, Стураро, Зайц, Пеллегрини, Шомуродов (Пьяца 85), Скамакка