Italiyaning "Milan" klubi hujumchisi Zlatan Ibragimovich Diyego Maradonaga bo‘lgan munosabati haqida gapirdi.

- 10-raqam haqida o‘ylaganda, kimni tasavvur qilasiz? Maradona! U - o‘n raqamining belgisidir. Uni yo‘qligini tasavvur qilish qiyin, chunki men uchun Maradona futboldan ustunroq. U afsona, ko‘pchilik uchun din. Men u bilan shaxsan uchrashish, muloqot qilish baxtiga muyassar bo‘ldim. Menimcha u barcha futbolchilar uchun namuna. U hayotda doimo to‘g‘ri tanlov qilganiga amin emasman, lekin u hamma narsani chin qalbi bilan qilgan va buning uchun butun dunyo uni sevadi. U har doim o‘zligicha qoldi. Zamonaviy futbolda futbolchilar mukammal bo‘lishga intilishadi, hech qachon xato qilmaydilar - lekin o‘sish va o‘rganish uchun xatolarga yo‘l qo‘yish kerak. Albatta, ataylab emas, lekin hech kim tug‘ilgandan mukammal emas. Maradonaga kelsak, men uni faqat o‘yin uchun baholayman - maydon tashqarisida sodir bo‘lgan barcha narsalar faqat o‘ziga tegishli. Biz Maradonani futbol maydonida qilgan ishlari uchun eslashimiz kerak va bu uchun u abadiy yodda qoladi", - dedi Ibragimovich Sky Sport Italia bilan suhbatda.