Италиянинг "Милан" клуби ҳужумчиси Златан Ибрагимович Диего Марадонага бўлган муносабати ҳақида гапирди.

- 10-рақам ҳақида ўйлаганда, кимни тасаввур қиласиз? Марадона! У - ўн рақамининг белгисидир. Уни йўқлигини тасаввур қилиш қийин, чунки мен учун Марадона футболдан устунроқ. У афсона, кўпчилик учун дин. Мен у билан шахсан учрашиш, мулоқот қилиш бахтига муяссар бўлдим. Менимча у барча футболчилар учун намуна. У ҳаётда доимо тўғри танлов қилганига амин эмасман, лекин у ҳамма нарсани чин қалби билан қилган ва бунинг учун бутун дунё уни севади. У ҳар доим ўзлигича қолди. Замонавий футболда футболчилар мукаммал бўлишга интилишади, ҳеч қачон хато қилмайдилар - лекин ўсиш ва ўрганиш учун хатоларга йўл қўйиш керак. Албатта, атайлаб эмас, лекин ҳеч ким туғилгандан мукаммал эмас. Марадонага келсак, мен уни фақат ўйин учун баҳолайман - майдон ташқарисида содир бўлган барча нарсалар фақат ўзига тегишли. Биз Марадонани футбол майдонида қилган ишлари учун эслашимиз керак ва бу учун у абадий ёдда қолади", - деди Ибрагимович Sky Sport Italia билан суҳбатда.