Klublar o‘rtasidagi jahon chempionati 2021 yilda eski formatda — 7ta klub o‘rtasida o‘tadigan bo‘ldi. Musobaqaga Yaponiya mezbonlik qiladi.

Avvalroq FIFA mazkur turnirni 2021 yildan boshlab yangi formatda — 24ta jamoa ishtirok o‘tkazishni rejalashtirgan edi. Rejaga ko‘ra, musobaqa 2021 yilning iyun oyida Xitoyda bo‘lib o‘tishi kerak edi. Ammo koronavirus pandemiyasi tufayli Xitoy musobaqaga mezbonlik qilishdan bosh tortdi.

Shu bois, FIFA eski formatga murojaatga qilishga va turnirni o‘zining doimiy hamkori Yaponiyada o‘tkazishga qaror qildi.

2020 yilgi klublar o‘rtasidagi JCH dekabr oyida Qatarda o‘tkazilishi kerak edi, ammo turnir 2021 yilning fevral oyiga ko‘chirildi.

Eslatib o‘tamiz, musobaqada 6ta qit’ada klublar o‘rtasidagi turnirlarning g‘oliblari va mezbon mamlakat chempioni ishtirok etadi.