«Yuventus» hujumchisi Krishtianu Ronalduning akasi Ugu Aveyru firibgarlikka qo‘l urganlikda gumonlanmoqda. Ma’lumotlarga qaraganda, u foydalanishdan chiqarilgan futbolkalarni sotganlikda ayblanmoqda. Bu haqda "La Stampa" va "La Repubblica" gazetalari xabar tarqatishdi.

Manbaga ko‘ra, Ronalduga tegishli bo‘lgan, Aveyru tomonidan boshqariladigan "Mussara" kompaniyasi Turindagi "Pegaso" kompaniyasiga CR7Museu logotipi tushirilgan maxsus futbolkalarni buyurtma qilgan.  Buyurtmaning umumiy qiymati 500 ming yevroga teng bo‘lgan. Shundan so‘ng "Mussara" futbolkalarni foydalanishdan chiqarish uchun ularni 4 yevrodan ishlab chiqarishni talab qilgan.

"Pegaso" xodimlari esa ushbu futbolkalarni Krishtianu Ronaldu muzeyida 40 yevrodan sotilayotganini ko‘rishgan. Turin kompaniyasi "Mussara" ustidan sudga murojaat qilgan. Shu bois, Aveyruga nisbatan surishtiruv ishlari boshlangan.