Shanba oqshomida bo‘lib o‘tgan «Yuventus» hamda «Torino» jamoalari o‘rtasidagi Turin derbisida qanday natija qayd etilganidan xabaringiz bor (2:1).
Uchrashuvdan so‘ng mezbonlarning zaxiradagi 3-darvozaboni Karlo Pinsolyo kutilmaganda hakam tomonidan qizil kartochka bilan jazolangan edi. Keyinchalik esa matbuotda bu ochiqlandi. Ma’lum bo‘lishicha, italiyalik futbolchi Bonuchchining g‘alaba golidan so‘ng hakamga qarata kesatiq aralash qo‘pol so‘zlar bilan murojaat qilgan. Pinsolyo Kuadradoning ikkinchi bo‘limda inobatga olinmagan golidan norozi bo‘lgan.
Eslatib o‘tamiz, Karlo «zebralar»ning 3-darvozaboni hisoblanib, agar Buffon kelasi haftagacha safga qaytmasa, Pirlo akademiyadan yangi posbon olishga majbur bo‘ladi.
