Шанба оқшомида бўлиб ўтган «Ювентус» ҳамда «Торино» жамоалари ўртасидаги Турин дербисида қандай натижа қайд этилганидан хабарингиз бор (2:1).
Учрашувдан сўнг мезбонларнинг захирадаги 3-дарвозабони Карло Пинсольо кутилмаганда ҳакам томонидан қизил карточка билан жазоланган эди. Кейинчалик эса матбуотда бу очиқланди. Маълум бўлишича, италиялик футболчи Бонуччининг ғалаба голидан сўнг ҳакамга қарата кесатиқ аралаш қўпол сўзлар билан мурожаат қилган. Пинсольо Куадрадонинг иккинчи бўлимда инобатга олинмаган голидан норози бўлган.
Эслатиб ўтамиз, Карло «зебралар»нинг 3-дарвозабони ҳисобланиб, агар Буффон келаси ҳафтагача сафга қайтмаса, Пирло академиядан янги посбон олишга мажбур бўлади.
