Germaniyaning "Leypsig" klubi bosh murabbiyi Yulian Nagelsman YECHLning 6-tur doirasida Angliyaning "Manchester Yunayted" klubiga qarshi bo‘lib o‘tadigan o‘yin haqida fikrlari bilan o‘rtoqlashdi.
- Dastlabki o‘yin bizga ko‘p narsani o‘rgatdi. O‘shanda hujumga boshqacha yondoshishimiz kerakligini ko‘rinib qoldi. "MYU" himoyada juda ishonchli o‘ynaydi va raqibga vaziyat yaratish uchun imkoniyat bermaydi. Ko‘proq ijodkorroq va faolroq harakat o‘ynash hamda "MYU"ning to‘rtta himoyachisining ortidan bo‘sh joy topish kerak. "MYU" har doim g‘alaba qozonish uchun iroda ko‘rsata olishini yaqinda bo‘lib o‘tgan o‘zining o‘yini orqali ko‘rsatib qo‘ydi. Shu sababli, kurash hakamning so‘nggi hushtagi chalinguncha davom etadi. Biz pley-off bosqichiga yo‘l olishni juda xohlaymiz. Bor kuchimizni ishga solamiz va uch ochkoni qo‘lga kiritish uchun barcha imkoniyatlarimizdan foydalanamiz, — dedi Nagelsman UEFA rasmiy saytiga.
