Angliyaning «Liverpul» klubi bosh murabbiyi Yurgen Klopp YECHL doirasida «Midtyulland» klubiga qarshi bo‘lib o‘tadigan uchrashuv haqidagi fikrlari bilan o‘rtoqlashdi.
«Biz o‘yinga to‘liq asosiy tarkibimiz bilan keldik, bu albatta yaxshi. Ushbu bahsda maydonga yoshlarni tushirish borasida yakuniy qarorga kelmadim, ehtimol asosiy tarkibda yoshlar o‘ynar.
O‘yinlar taqvimi? Bu o‘yinimiz chorshanba kuni, oradan uch kun o‘tgach «Vulverxempton» bilan bahsimiz bor. Lekin taqvimga qarang, 10 kun ichida to‘rtta uchrashuv o‘tkazishimiz kerak. Bu juda ko‘p va shu narsalarni inobatga olgan holda, ertaga keskin rotasiyani amalga oshirishimiz ham mumkin», - dedi Klopp UEFA rasmiy saytiga.
