Afrika futbol konfederasiyasi (CAF) «Arsenal» hujumchisi Pyer-Emerik Obameyangni 10 ming dollar miqdorida jarimaga tortdi.

Gabonlik futbolchi internet orqali terma jamoa o‘yinchilari Gambiya aeroporti polida yotgan suratni e’lon qilish orqali Afrika futbol nufuziga putur yetkazgani uchun shunday jazoga loyiq ko‘rildi. O‘shanda Gabon terma jamoasi koronavirusga test topshirish bilan bog‘liq muammo tufayli 5 soat davomida aeroportda qolib ketgan edi.

Obameyang suratni joylab, unga quyidagicha izoh yozgandi: «CAFning ajoyib tashkilotchiligi, go‘yoki biz 90-yillarga qaytgandek bo‘ldik».

Shuningdek, CAF tartib-intizom qo‘mitasi Gambiya futbol federasiyasini 100 ming dollar miqdorida jarima tortdi. Shundan 50 ming dollari shartli jarima bo‘lib, u 24 oyga amalda bo‘ladi.

16 noyabr kuni bo‘lib o‘tgan o‘yinda Gambiya 2:1 hisobida g‘alaba qozondi.