Yevropa chempionlar ligasi "A" guruhida "Bavariya" muddatidan avval peshqadamlikni qo‘lga kiritgan bo‘lsa, ikkinchi yo‘llanma uchun "Zalsburg" va "Atletiko" klublari da’vogarlik qilishayotgan edi.

Myunxenliklar so‘nggi turda Moskvaning "Lokomotiv"ini qabul qilib, 2:0 hisobida g‘alaba qozonishdi.

"Atletiko" esa Avstriyada "Zalsburg" klubi mehmoni bo‘lib, xuddi shunday hisobda raqibni taslim etdi. Birinchi bo‘lim so‘ngida Ermoso hisobni ochgan bo‘lsa, o‘yin oxirida Karrasko yakuniy hisobni o‘rnatdi.

Shu tariqa, madridliklar YECHL pley-off bosqichiga, "Zalsburg" esa Yevropa ligasiga yo‘l oldi.

Yevropa chempionlar ligasi,
"A" guruhi, 6-tur
Bavariya Germaniya – Lokomotiv Rossiya 2:0 (0:0, 2:0)
Gollar: 1:0 – 63 Zyule, 2:0 – 80 Shupo-Moting.
Bavariya – Noyer, Zyule, Devis (Lyuka Ernandes, 69), Boateng (Richards, 69), Sarr, Sane (Shtiller, 85), Roka, Myuller (Gnabri, 46), Duglas Kosta, Shupo-Moting, Goretska (Musiala, 61).
Lokomotiv – Gilyerme, Magkeev, Raykovich, Chorluka, Ignatyev, Kamano (Iosifov, 76), Miranchuk, Jivoglyadov, Ribchinskiy (Silyanov, 88), Ribus, Eder.
Ogohlantirishlar: Jivoglyadov (60), Boateng (64), Sane (68).
 
Red Bull Avstriya – Atletiko Ispaniya 0:2 (0:1, 0:1)
Gollar: 0:1 – 39 Ermoso, 0:2 – 86 Karrasko.
Red Bull – Stankovich, Ulmer, Veber (Ongene, 90), Kristensen, Ramalyo, Mvepu (Suchich, 89), Yunuzovich, Soboslai (Okugava, 89), Koyta (Adeyemi, 79), Daka (Okafor, 73), Berisha.
Atletiko – Oblak, Ermoso, Felipe, Savich, Trippyer, Saul (Errera, 64), Karrasko (Lemar, 89), Lyorente (Lodi, 90), Koke, Joau Feliks (Torreyra, 89), Suares (Korrea, 64).
Ogohlantirishlar: Ermoso (45), Savich (61), Ramalyo (71).