Fransiyaning "PSJ" klubi yanvarda "Tottenxem" yarim himoyachisi Dele Allini ijaraga olmoqchi.
Alli "Tottenxem" safida birinchi marta Premer-liganing 1-turda "Everton"ga qarshi o‘yinda asosiy tarkibda maydonga tushgandi va o‘sha o‘yindan zahiraga olinganidan keyin norozilik bildirgandi.
O‘shandan beri Alli APLda atigi 21 daqiqa o‘ynadi - oktyabrda "Manchester Yunayted"ga qarshi uchrashuvda Mourinyo unga 21 daqiqa o‘ynash imkoniyatini bergandi.
Daily Mail tarqatgan xabarga ko‘ra, Alli o‘zining jamoa tutayotgan o‘rinidan norozi va u doimiy ravishda maydonga tushadigan klubga ketishga tayyor. Chunki, Alli Angliya terma jamoasi bilan Yevropa Chempionatida qatnashmoqchi.
"PSJ" Alli atrofidagi vaziyatni diqqat bilan kuzatmoqda, u o‘tgan yozda Delega qiziqish bildirgan edi, ammo keyinchalik "Tottenxem" parijliklarning futbolchini ijaraga olishga bo‘lgan barcha urinishlariga to‘sqinlik qilgandi.
"PSJ" bu safar "shporlar" Allining qo‘yib yuborilishiga rozi bo‘lishlarini his qilishmoqda. 24 yoshli inglizni ijaraga berish taklifi yaqin haftalarda kelishi kutilmoqda.
