Dortmundning "Borussiya" klubi himoyachisi Mats Xummels Bundesliganing 11-tur doirasida "Shtutgart"dan uchralgan mag‘lubiyatdan (1:5) so‘ng jamoaning taktikasini tanqid qildi.
«Biz doimo kichik joylarda, tor joylarda o‘ynashga harakat qildik. Bizda to‘pni yo‘qotish darajasi juda katta edi. Agar to‘pni yo‘qotmasdan o‘ynasak, u chiroyli futbolga aylanadi. Ammo bu kamdan-kam hollarda bo‘ladi. Bu juda katta mahorat talab qiladi.
Bugun juda ko‘p xatolarga yo‘l qo‘ydik. Birinchi bo‘limda yaxshi o‘ynamadik, ammo, tanaffusga hisobni tenglashtirib chiqib ketdik.
Hisob 2:1, 3:1, 4:1 bo‘lganida ham to‘pni o‘zimiz berdik. Biz doim to‘pni yo‘qotdik.
"Shtutgart" juda yaxshi o‘ynadi. Ular yaxshi rejaga ega edilar, ular tajovuzkor edilar va muvaffaqiyatga erishdilar - biz esa yo‘q", - dedi futbolchi Sky Germany nashriga bergan intervyusida.
