Madridning "Atletiko" klubi sardori Koke La Liganing 13-tur doirasida "Real" (0:2) klubidan qabul qilib olingan mag‘lubiyatdan keyingi fikrlarini bildirdi.

— Birinchi bo‘limda juda sust o‘ynadik. "Real" yaxshi ko‘rindi, ular ko‘proq harakat qilishdi. Ikkinchi bo‘limda oldinga o‘tdik, o‘yinni o‘zgartirishimiz mumkin edi, chunki, ko‘p vaziyatlarni yaratdik. Og‘ir mag‘lubiyat. "Atletiko" o‘zida emasdi. Bizni uzun mavsum kutib turibdi, ko‘proq ishlashimiz kerak, — Kokening so‘zlaridan iqtibos keltirmoqda AS nashri.