Angliya chempionatining 12-turida «Liverpul» safarda «Fulxem» (1:1) klubi bilan bahs olib bordi.
Tanaffus paytida «Liverpul» tarkibida futbolchi almashtirildi. Joel Matipning o‘rniga Takumi Minamino maydonga tushdi.
Angliya matbuotining tarqatgan ma’lumotiga qaraganda, 29 yoshli kamerunlik himoyachi jarohat olganligi sababli, zahiraga olingan. Qayd etilishicha, Matip belida qattiq og‘riq his qilgan.
shu tariqa, «Liverpul» yana bir futbolchisini yo‘qotish xavfi ostida turibdi. Ayni paytda klub lazaretida Virgil van Deyk, Jo Gomes va Jotalar davolanishmoqda.
