Англия чемпионатининг 12-турида «Ливерпуль» сафарда «Фулхэм» (1:1) клуби билан баҳс олиб борди.
Танаффус пайтида «Ливерпуль» таркибида футболчи алмаштирилди. Жоэль Матипнинг ўрнига Такуми Минамино майдонга тушди.
Англия матбуотининг тарқатган маълумотига қараганда, 29 ёшли камерунлик ҳимоячи жароҳат олганлиги сабабли, заҳирага олинган. Қайд этилишича, Матип белида қаттиқ оғриқ ҳис қилган.
шу тариқа, «Ливерпуль» яна бир футболчисини йўқотиш хавфи остида турибди. Айни пайтда клуб лазаретида Виргил ван Дейк, Жо Гомес ва Жоталар даволанишмоқда.
