“Navbahor” bilan tuzilgan shartnoma muddatlari yakunlanganligi sababli, jamoamiz safini darvozabon Dilshod Hamroyev va rossiyalik hujumchi Ruslan Bolov tark etishdi.
25 yoshli posbon Dilshod Hamroyev “lochinlar” tarkibiga 2018 yilning 2-davrasidan qo‘shilgandi hamda 2018 – 2020 yillar mavsumida Coca Cola Superligada jami 5 ta o‘yinda maydonga tushib, o‘z darvozasidan 6 ta to‘p o‘tkazib yubordi.
26 yoshli hujumchi Ruslan Bolov esa jamoamiz tarkibiga shu yilgi mavsumda qo‘shilib, Superliga - 2020 bahslarida 20 ta o‘yinda maydonga tushib, jami 1037 daqiqa harakat qildi va raqiblar darvozasiga 3 ta gol urib, 1 ta golga assistentlik qildi.
Shuningdek, rossiyalik futbolchi Superliganing bu yilgi mavsumida 2 marta uchrashuvning eng yaxshi futbolchisi, deb topildi.
“Navbahor” PFK Dilshod Hamroyev hamda Ruslan Bolovga jamoamizdagi faoliyatlari uchun o‘z minnatdorchiliklarini bildiradi va ularning keyingi faoliyatlariga omad yor bo‘lishini tilaydi.
“Navbahor” PFK matbuot xizmati.
