Ispaniya chempionatining 19-turidan o‘rin olgan, ammo oldinga ko‘chirilgan "Real Madrid" va "Atletik" o‘rtasidagi uchrashuv bo‘lib o‘tdi.

Uchrashuvning  13-daqiqasida "Atletik" o‘yinchisi Raul Garsiya ikkinchi sariq kartochkasini olib maydonni tark etdi. Shu bois, o‘yin iadridliklarning  ustunligi bilan o‘tdi. Birinchi bo‘limning 45+2-daqiqasida Toni Kros o‘yinda hisobni ochgan bo‘lsa, ikkinchi bo‘liming 52-daqiqasida "Atletik" o‘yinchisi Ander Kepa hisobni tenglashtirdi.

Tabiiyki, duranga rozi bo‘lmagan Madrid jamoasi to‘liq ustunlik bilan hujum uyushtirdi. Uchrashuvning 74-daqiqada Karim Benzema jamoasini hisobda oldinga olib chiqdi. O‘yin ayni shu hisobda yakuniga yetishi kutilayotgan bir vaqtda 90+2-daqiqada Benzema dubl qayd etib, hisobni 3:1 ko‘rinishiga olib keldi.

Shu tariqa "Real Madrid " jamoasi muhim uch ochkoni qo‘lga kiritdi va ochkolar soni bo‘yicha La Liga peshqadamlariga yetib oldi.

Ispaniya La ligasi, 19-tur
Real Madrid – Atletik 3:1 (1:0, 2:1)
Gollar: 1:0 – 45+2 Kroos, 1:1 – 52 Kapa, 2:1 – 74 Benzema, 3:1 – 90+2 Benzema.
Real Madrid – Kurtua, Varan, Karvaxal, Ramos, Mendi, Modrich, Kroos, Vaskes (Rodrigo, 75), Valverde (Isko, 64), Vinisius Junior (Asensio, 63), Benzema.
Atletik – Unai Simon, Yeray Alvares, Martines, Kapa (Lekue, 80), De Markos (Muniain, 80), Raul Garsiya, Dani Garsiya, Berenger (Kordoba, 59), Vensedor (Vesga, 66), Berchiche, Uilyams (Vilyalibre, 67).
Ogohlantirishlar: Raul Garsiya (8), Vaskes (42), Yeray Alvares (80).
Chetlatish: Raul Garsiya (13).