Rossiyaning "Zenit" klubi futbolchisi Vilmar Barriosga Yevropaning bir nechta top-klublaridan qiziqish bo‘lmoqda. Bu haqda Primer Tiempo nashri xabar tarqatdi.
Manbaning yozishiga qaraganda, kolumbiyalik futbolchiga «Milan», «Tottenxem», «Nyukasl» va «Beshiktosh» klublari qiziqish bildirishmoqda. "Zenit" rahbariyati Barrois borada rasmiy takliflarni oldi.
Kolumbiyalik 27 yoshli futbolchi joriy mavsum RPLda 15 ta uchrashuvda maydonga tushdi va bitta golga assistentlik qildi. "Zenit" va Barrios o‘rtasidagi shartnoma 2023 yilning yozigacha amal qiladi.
