The Sun nashrining tarqatgan ma’lumotiga qaraganda, Angliyaning «Manchester Yunayted» klubi Dortmundning «Borussiya» futbolchisi Jeydon Sancho bilan kelishib oldi.
"Qizil iblislar" angliyalik futbolchining haftasiga 200 ming funt maosh to‘lashni taklif qilishmoqda, shartnoma esa 5 yilga tuziladi.
Xabarda aytilishicha, ushbu transferning amalga oshishiga to‘siq bo‘ladigan narsa - "Borussiya"ning Sancho uchun talab qilayotgan tovon pulidir. Dortmundliklar Sanchoning transferi uchun "qizil iblislar" 130 million yevro talab qilishmoqda.
