Turinning «Yuventus» klubi bosh murabbiyi Andrea Pirlo A Seriyaning 12-tur doirasida «Atalanta» klubiga qarshi bo‘lib o‘tadigan uchrashuv haqida fikrlari bilan o‘rtoqlashdi.
«Oldimizda xavfli bo‘lgan raqibga qarshi o‘yin kutib turibdi. «Atalanta» allaqachon Italiya chempionatidagi jamoalarga muammo tug‘diradigan darajaga chiqqan. Shuningdek, ularning yevrokuboklarda qanday o‘ynayotganini ko‘rib turibmiz. Shu sababli, ularga qarshi bo‘lib o‘tadigan o‘yinda qiyinchilikka duch kelishimizni bemalol bashorat qilish mumkin. Bizni top-klubga aylangan jamoaga qarshi o‘yin kutib turibdi.
«Atalanta»ning qayd etayotgan natijalari meni hayron qoldirmayapti, chunki, ularni kuchli mutaxassis boshqarmoqda. «Atalanta» rahbariyat va murabbiylar shtabi o‘z vazifalarini samarali uddalashmoqda. Gasperini faoliyatini «Yuventus» akademiyasida boshlagan. Uning jamoasi qanday o‘ynashi boridasi shaxsiy g‘oyalarga ega», — dedi Andrea Pirlo.
