Italiya chempionati 12-turidan o‘rin olgan "Yuventus" va "Atalanta" jamoalari o‘rtasidagi o‘yin nihoyasiga yetdi.

O‘yinning 29-daqiqasida Federiko Kyeza jarima maydoni tashqarisidan darvozaning yuqori qismiga aniq zarba yo‘lladi va hisobni ochdi.

Uchrashuvning 57-daqiqasida Rome Froyler Kyezaga javob qaytardi. Rome jarima chizig‘i ustidan kuchli zarba yo‘llab, hisobni tenglashtirdi. 61-daqiqada Krishtianu Ronaldu penaltini golga aylantira olmadi. 

Shu tariqa, Pirlo boshchiligidagi "Yuve" o‘z maydonida "Atalanta" bilan 1:1 hisobida durang o‘ynadi.

Yuventus – Atalanta 1:1
"Alyans Stedium"
Gollar: 1:0 – 29 Kyeza, 1:1 – 57 Froyler.

"Yuventus" – Shensni, de Ligt, Danilo, Bonuchchi, Makkenni, Kuadrado, Bentankur, Artur (Rabyo, 27), Kyeza (Aleks Sandro, 75), Ronaldu, Morata (Dibala, 84).

"Atalanta" – Gollini, Gozens, Palomino, Romero, Xatebur, Malinovskiy (Miranchuk, 71), Froyler, Pessina (Gomes, 53), de Ron, Gimshiti, Sapata (Muriel, 72).

Ogohlantirishlar: Romero (38), Rabyo (46), de Ron (52), Morata (60), Makkenni (80).