Италия чемпионати 12-туридан ўрин олган "Ювентус" ва "Аталанта" жамоалари ўртасидаги ўйин ниҳоясига етди.

Ўйиннинг 29-дақиқасида Федерико Кьеза жарима майдони ташқарисидан дарвозанинг юқори қисмига аниқ зарба йўллади ва ҳисобни очди.

Учрашувнинг 57-дақиқасида Роме Фройлер Кьезага жавоб қайтарди. Роме жарима чизиғи устидан кучли зарба йўллаб, ҳисобни тенглаштирди. 61-дақиқада Криштиану Роналду пенальтини голга айлантира олмади. 

Шу тариқа, Пирло бошчилигидаги "Юве" ўз майдонида "Аталанта" билан 1:1 ҳисобида дуранг ўйнади.

Ювентус – Аталанта 1:1
"Альянц Стэдиум"
Голлар: 1:0 – 29 Кьеза, 1:1 – 57 Фройлер.

"Ювентус" – Шенсни, де Лигт, Данило, Бонуччи, Маккенни, Куадрадо, Бентанкур, Артур (Рабьо, 27), Кьеза (Алекс Сандро, 75), Роналду, Мората (Дибала, 84).

"Аталанта" – Голлини, Гозенс, Паломино, Ромеро, Хатебур, Малиновский (Миранчук, 71), Фройлер, Пессина (Гомес, 53), де Рон, Гимшити, Сапата (Муриэль, 72).

Огоҳлантиришлар: Ромеро (38), Рабьо (46), де Рон (52), Мората (60), Маккенни (80).