«Inter» ustozi Antonio Konte «Napoli»ga qarshi o‘tgan og‘ir bahs haqida fikr bildirdi.
«Albatta, muxlislarimizga kecha balki ular kutgan o‘yinni namoyish etib berolmagandirmiz, lekin g‘alaba uchun yurishlar odatda shunday kechadi. "Napoli" taktik jihatdan mukammal jamoa, tan olamiz. Shu sababli butun bahs davomida ustunlik qilolmadik. Lekin bir kishi ko‘p bo‘lib qolganimizdan so‘ng yigitlar g‘alabani sezishdi va shunday ham bo‘ldi.
Turnir jadvalidagi holat ancha qaltis. Endi yengil tin olsak ham bo‘ladi. Bu olti ochkolik o‘yin edi», - deydi Konte.
Eslatib o‘tamiz, ushbu g‘alabadan so‘ng «neradzurri»lar musobaqa turnir jadvalida 26 ochko bilan ikkinchi pog‘onada ketishmoqda. Ular «Milan»dan bir ochko kam jamg‘arishgan.
