Polshalik hujumchi Arkadiush Milik juda qiyin vaziyatga tushib qoldi. Futbolchi "Napoli" bilan shartnomani uzaytirishdan bosh tortdi. Shu sababli, «Napoli» uni ro‘yxatdan chiqarib tashladi. Milik yarim mavsumdan beri o‘yin amaliyotisiz yuribdi.

Milik zudlik bilan o‘ziga yangi jamoa izlamoqda. O‘z navbatida «Napoli» uni 15-18 million yevrodan kam mablag‘ga qo‘yib yubormasligini bildirdi. Uning "Napoli" bilan amaldagi shartnomasi kelasi yilning yozida yakunlanadi.

Bunday vaziyatda hujumchi uchun buncha mablag‘ni to‘lab beradigan klubi topilishi mushkul. Milikning o‘zi esa bor e’tiborini "Napoli"dan ketishga va boshqa jamoa o‘tib, o‘yin amaliyotiga ega bo‘lishga qaratgan, aks holda Polsha terma jamoasi bilan Yevropa chempionatiga bora olmasligi mumkin.