Argentinalik futbol afsonasi Diyego Maradonaning jasadi qabrdan kavlab olinib, movzeleyga joylashtirilishi mumkin.

Maradona o‘limidan bir necha kun avval advokati Mariya Bodriga vasiyat qoldirgan bo‘lib, unda Diyego vafotidan so‘ng jasadini mo‘miyolab, movzeleyga joylashtirishni so‘ragan. "The Sun" tarqatgan xabarga ko‘ra, Maradona Vladimir Leninga hurmat bajo keltirish maqsadida shunday qilinishi maqsad qilgan.

«Chuqur o‘ylab ko‘rganimdan keyin shunday qarorga keldimki, vafotimdan keyin mening jasadim mo‘miyolanib movzeleyga joylashtirilsin. Atrofimga esa sovrinlarim, shaxsiy buyumlarim qo‘yilsin. Insonlar esa bu joydan muhabbat olishda davom etishini istayman», — deya yozilgan vasiyatda.

Advokat Mariya Bodri mazkur vasiyat borasida o‘z fikrini bildirdi.

«Ma’lum bir joyda movzeley tashkil qilinishi rejalashtirilmoqda. Buni Maradona o‘z aka-ukalari bilan muhokama qilgan. Bu borada bizda jiddiy, aniq taklif bor. Lekin bunga Argentina futbol federasiyasi mas’ul hisoblanadi», — dedi advokat.

Eslatib o‘tamiz, Diyego Maradona 25 noyabr kuni vafot etgan edi.