Hamyurtimiz to‘p surayotgan «Jenoa» bosh murabbiyi Davide Ballardini «Spesiya»ga qarshi bahsda qozonilgan g‘alaba haqida fikr bildirdi. U jamoasining A Seriyada qolish imkoniyatlari yuqori ekanligini aytdi.
«Biz uchun yaxshi kun bo‘ldi. Men natijadan yuz foiz qoniqish hosil qildim va nimalarni o‘zgartirish kerakligini ko‘rib oldim. Futbolchilar ko‘p vaziyatlarda to‘p uchun kurashga qo‘rqishyapti. Butun jamoada tavakkal qilish ko‘nikmasi yo‘q. Ammo, bu to‘g‘rilansa bo‘ladigan kamchiliklar.
"Jenoa" men bilan avval ham ikki marta shartnoma imzolagan. Lekin men bu qo‘ng‘iroqni kutmagandim. Bir necha yillardan beri murabbiylik qilmayotgan bo‘lsamda yo‘q deya olmadim. Chunki bu yerda yaxshi jamoa shakllanganini bilardim», - deydi murabbiy.
«Jenoa» ayni damda turnir jadvalida 10 ochko bilan 18-o‘rinda bormoqda.
