Ҳамюртимиз тўп сураётган «Женоа» бош мураббийи Давиде Баллардини «Специя»га қарши баҳсда қозонилган ғалаба ҳақида фикр билдирди. У жамоасининг А Серияда қолиш имкониятлари юқори эканлигини айтди.
«Биз учун яхши кун бўлди. Мен натижадан юз фоиз қониқиш ҳосил қилдим ва нималарни ўзгартириш кераклигини кўриб олдим. Футболчилар кўп вазиятларда тўп учун курашга қўрқишяпти. Бутун жамоада таваккал қилиш кўникмаси йўқ. Аммо, бу тўғриланса бўладиган камчиликлар.
"Женоа" мен билан аввал ҳам икки марта шартнома имзолаган. Лекин мен бу қўнғироқни кутмагандим. Бир неча йиллардан бери мураббийлик қилмаётган бўлсамда йўқ дея олмадим. Чунки бу ерда яхши жамоа шаклланганини билардим», - дейди мураббий.
«Женоа» айни дамда турнир жадвалида 10 очко билан 18-ўринда бормоқда.
