Stadion.uz Parij super klubida bo‘lib o‘tayotgan voqealar haqida fikr almashadi.

ESPN nashrining ma’lum qilishicha, Parij klubi Tomas Tuxelning iste’fosini yangi murabbiyning tayinlovi bilan bir vaqtda e’lon qilmoqchi edi.Ichki chempionatdagi omadsizlik sababli klub sabr qilgani yo‘q. Manbaning ma’lum qilishicha, klub yangi yildan so‘ng, yangi murabbiyni e’lon qilishni reja qilgan. Bu kim bo‘lishi esa, deyarli aniq.

Vaholanki, klub so‘nggi uchrashuvda «Strasburg»ni 4:0 hisobida mag‘lubiyatga uchratgan edi. Rahbariyat esa, chempionatdagi asosiy raqib «Lion»ga qarshi bahsdan so‘ng, murabbiyga chiqish eshiklarini ko‘rsatib yuborishni reja qilgan edi.

Ma’lumotlarga qaraganda, klub naqd 2 hafta davomida Maurisio Pochettino bilan muzokaralar olib borgan va uni ko‘ndirishi bilan Tuxelga chiqish eshiklarini ko‘rsatib yubordi. Tez orada, murabbiylar rokirovkasi amalga oshiriladi. "Liga 1” 2 haftalik dam olishga chiqib ketganidan, klub unumli foydalanishni reja qilgan.

Tuxel nega ketdi?

Loran Blan 3 yil davomida Parij klubida faoliyat olib borganiga qaramay, uni iste’foga chiqarishdi. Murabbiy klubni chorak finalga olib chiqqan bo‘lsada, rahbariyat unga chiqish eshiklarini ko‘rsatib yubordi. Unay Emeri «Barselona»ga qarshi 1:6 dan keyin ham o‘z o‘rnini yo‘qotgani yo‘q. Aslida, Tomas Tuxel ham o‘zining ilk mavsumida «Manchester Yunayted»ga qarshi pley-off uchrashuvida og‘ir mag‘lubiyatni qabul qilib olgan edi. Shunday bo‘lsada, rahbariyat bunga ko‘z yumdi.

Shunday bo‘lsada, Tomasning ichki birinchilikdagi katta g‘alabalarini unutmaslik lozim. Klub uning qo‘l ostida ikkita chempionlikni qo‘lga kiritdi. Hatto Yevropa chempionlar ligasini final uchrashuvida ham to‘p surdi. Ayni damda, klub Fransiya chempionatining liderlaridan atigi 1 ochko ortda qolmoqda xolos.

Katta ehtimol bilan Tuxelning iste’fosiga asosiy sabab uning jamoa yetakchilari va rahbariyat haqida bildirgan fikrlar asosiy sabab bo‘ldi. Ayniqsa, jamoaning transfer ishlari borasida bildirgan fikrlari Leanardoni xafa qilgani aniq.

«Biz juda ko‘p futbolchilarni erkin agent sifatida qo‘yib yuboryapmiz. Bunga yo‘l qo‘yish mumkin emas. Bunday transfer siyosati bilan kelasi mavsumda raqobat kirishish oson bo‘lmasligi aniq.”

Keyin, ichki muhit buzilib ketdi. Neymar va Mbappe esa, murabbiyning darajasi past ekanligi haqida rahbariyatga bir necha marotaba ma’lum qildi. Bu qo‘zg‘olonga boshqa futbolchilar ham qo‘shildi va muammo kattalashib ketdi. Keyin esa, murabbiy va futbolchilar o‘rtasidagi aloqalar to‘liq to‘qqa chiqdi. Ishga Nosir El Helayfi aralashgach, kimdir klubni tark etishi aniq bo‘lib ulgurdi. PSJ o‘z yetakchilaridan ayrilishni istamadi. Shu bois, tinchgina Tomas Tuxeldan voz kechishga qaror qildi.

Keyingi murabbiy kim?

Mauriso Pochettino varianti ayni damda haqiqatga juda yaqin. Aslida, murabbiyni ishdan olib tashlagach, Leanardo o‘zi yaxshi tanish bo‘lgan Maksi Alegrini ishga taklif qilmoqchi edi. Kutilmaganda, uning qaroriga Mansul El Xelayfi qarshi chiqdi. U 2001-2003 yillar oralig‘ida klub sharafini futbolchi sifatida himoya qilgan Pochettino variantini tanladi. Bugungi kunda murabbiy sifatida nom qozongan Maurisio o‘z vaqtida Parij super klubi bilan «Intertoto» musobaqasida g‘alaba qozonganini ko‘pchilikning yodida bo‘lmasligi mumkin.

Shu o‘rinda, Mansurning tanloviga qoyil qolmaslikning imkoni yo‘q. Argentinalik mutaxassis top darajadagi murabbiylar qatorida tilga olinadi. U sovrinlar yutmagan bo‘lsada, kichik imkoniyatlardan katta voqea yasay oladi. Bunga hech kimda shubha yo‘q. Uning sovrinlarga juda o‘ch ekanligi esa, Parij klubining katta arenalardagi imkoniyatlarini oshirib yuborishi aniq. Taniqli nashrlarining ma’lum qilishicha, parijliklar murabbiyga 2023 yilga qadar mo‘ljallangan shartnoma taklif qilishmoqda. Sovg‘asiga Kristian Eriksonning transferi ham amalga oshiriladi. Milanda o‘zini ko‘rsata olmagan Erikson Pochettinoni erkin harakat qilishiga imkoniyat yaratib berishi aniq.

Tashqaridan oson ko‘ringani bilan, Pochettinoni Parijda oson bo‘lmagan kunlar kutmoqda. U klubning ichki muhitini o‘nglashi lozim. U jamoani jipslashtiribgina qolmay, to‘liq bir mushtga aylantirishi lozim. BUning uchun anchagina vaqt talab etiladi.

O‘z faoliyati davomida faqat boy berilgan finallar bilangina maqtana oladigan murabbiy uchun bu mushkul vazifa. Shunga qaramay, u endi har mavsumni chempionlik medallari bilan yakunlashi, o‘ziga bo‘lgan ishonchini qaytarib olishi mumkin. Boz ustiga, agar bu tayinlov amalga oshsa, uni YCHL doirasida «Barselona»ga qarshi o‘yinlar kutib turibdi. Bu bahslarda u «Espanyol»ga sodiq ekanligini ko‘rsatib qo‘yishi lozim. Qo‘shimchasiga, o‘z imkoniyatlarini ham to‘liq namoyish etishi mumkin.