«Manchester Siti» va Angliya terma jamoasi hujumchisi Rahim Sterling bayram arafasida xayrli ishga qo‘l urdi. U ikki nafar uysiz ayolga oziq-ovqat mahsulotlarini xarid qilib berdi. Bu haqda kafe boshlig‘i ma’lumot berdi.

«Rahim mendan ko‘chada tilanchilik qilayotgan ikki ayol haqida so‘radi. Ular bu yerda qancha vaqtdan beri turishgani bilan qiziqdi. Shundan so‘ng Sterling ularga oziq-ovqat xarid qilishga qaror qildi. Agar ularga pul bersa, ayollar pulni narkotik yoki alkogolga ishlatib yuborishi mumkinligidan xavotir oldi.

U bir qutidan tovuq va gamburger xarid qildi va ularni ayollarga shaxsan o‘zi topshirdi. U o‘zini juda kamtar va olijanob tutdi», – dedi kafe boshlig‘i Vasib Orif.