«Манчестер Сити» ва Англия терма жамоаси ҳужумчиси Раҳим Стерлинг байрам арафасида хайрли ишга қўл урди. У икки нафар уйсиз аёлга озиқ-овқат маҳсулотларини харид қилиб берди. Бу ҳақда кафе бошлиғи маълумот берди.

«Раҳим мендан кўчада тиланчилик қилаётган икки аёл ҳақида сўради. Улар бу ерда қанча вақтдан бери туришгани билан қизиқди. Шундан сўнг Стерлинг уларга озиқ-овқат харид қилишга қарор қилди. Агар уларга пул берса, аёллар пулни наркотик ёки алкоголга ишлатиб юбориши мумкинлигидан хавотир олди.

У бир қутидан товуқ ва гамбургер харид қилди ва уларни аёлларга шахсан ўзи топширди. У ўзини жуда камтар ва олижаноб тутди», – деди кафе бошлиғи Васиб Ориф.