Matteys de Ligt 2019 yilda "Yuventus"ga o‘tdi. Ammo hozircha u o‘zidan kutilgan natijani qayd eta olmayapti. O‘tgan yilgi mavsum niderlandliyalik futbolchi uchun u qadar omadli kechmagan bo‘lsa, ushbu mavsumda jarohat oldi. Hozirda u jarohatidan tiklanmoqda.
«Katta sinovlarni yaxshi ko‘raman. Himoyachilar uchun o‘zini A seriyada sinab ko‘rish — o‘zgacha tuyg‘u. Men yoshligimda televizor orqali ko‘rgan o‘yinchilar bilan birga o‘ynash nasib etdi.
Bonuchchi va Kyellini menga katta yordam berishyapti. Jorjodan ko‘p narsa o‘rganyapman. Hech kimga taqlid qilmagan holda o‘z uslubimni shakllantirish muhim ahamiyatga ega.
«Yuventus»ni tanlaganim uchun hech qachon afsuslanmadim», – dedi himoyachi.