Angliya chempionatining 15-turi doirasida «Arsenal» o‘z maydonida «Chelsi»ni qabul qilib, ishonchli tarzda g‘alaba qozondi.

Bahsning 34-daqiqasida hakam mehmonlar darvozasi tomon penalti belgiladi. Lyakazett undan samarali foydalanib, hisobni ochdi. Taym tugashiga 1 daqiqa qolganida "kanonirlar" a’zosi Granit Jaka olis masofadan belgilangan jarimadan ajoyib zarba yo‘llab, farqni ikkitaga oshirdi.

Ikkinchi bo‘limning 56-daqiqasiga kelib esa Bukayo Saka hisobni 3:0 ko‘rinishga keltirib qo‘ydi.

Shundan so‘ng Lempard jamoasi vaziyatdan chiqib ketish uchun hujumlar tashkil qildi. O‘yin tugashiga 5 daqiqa qolganida Abraxam "Chelsi"ning birinchi javob to‘pini mezbonlar darvozasiga joyladi.

Asosiy vaqtning eng so‘nggi daqiqasida esa "Arsenal" darvozasi tomon penalti belgilandi. Jorjinyo tomonidan yo‘llangan zarbani darvozabon Leno qaytardi.

Mazkur penalti golga aylanganida qo‘shib berilgan 5 daqiqalik "Arsenal" uchun haqiqiy sinovga aylanardi. Ular g‘alabani saqlab qolishdi va 7ta o‘yindan beri davom etib kelayotgan golsiz seriyaga barham berishdi. Arteta jamoasi o‘z ochkolarini 17taga yetkazib, jadvalda 14-o‘ringa ko‘tarildi.

Angliya premyer-ligasi, 15-tur
Arsenal – Chelsi 3:1 (2:0)
Gollar: 1:0 – 34, penalti Lyakazett, 2:0 – 44 Djaka, 3:0 – 56 Saka, 3:1 – 85 Abraxam.
Noaniq penalti: Jorjinyo (90+1, darvozabon)
Arsenal – Leno, Xolding, Tirni, Mari, Belyerin, El-Nenni, Saka, Smit-Rou (Uillok, 65), Jaka, Martinelli (Pepe, 71), Lyakazett (Mustafi, 90).
Chelsi – Mendi, Zuma, Chiluell, Djeyms, Tiago Silva, Kovachich (Jorjinyo, 46), Maunt, Kante (Xaverts, 74), Pulishich, Verner (Xadson-Odoi, 46), Abraxam.
Ogohlantirishlar: Mari (16), Tiago Silva (73), Tirni (83).