Англия чемпионатининг 15-тури доирасида «Арсенал» ўз майдонида «Челси»ни қабул қилиб, ишончли тарзда ғалаба қозонди.

Баҳснинг 34-дақиқасида ҳакам меҳмонлар дарвозаси томон пенальти белгилади. Ляказетт ундан самарали фойдаланиб, ҳисобни очди. Тайм тугашига 1 дақиқа қолганида "канонирлар" аъзоси Гранит Жака олис масофадан белгиланган жаримадан ажойиб зарба йўллаб, фарқни иккитага оширди.

Иккинчи бўлимнинг 56-дақиқасига келиб эса Букайо Сака ҳисобни 3:0 кўринишга келтириб қўйди.

Шундан сўнг Лэмпард жамоаси вазиятдан чиқиб кетиш учун ҳужумлар ташкил қилди. Ўйин тугашига 5 дақиқа қолганида Абрахам "Челси"нинг биринчи жавоб тўпини мезбонлар дарвозасига жойлади.

Асосий вақтнинг энг сўнгги дақиқасида эса "Арсенал" дарвозаси томон пенальти белгиланди. Жоржиньо томонидан йўлланган зарбани дарвозабон Лено қайтарди.

Мазкур пенальти голга айланганида қўшиб берилган 5 дақиқалик "Арсенал" учун ҳақиқий синовга айланарди. Улар ғалабани сақлаб қолишди ва 7та ўйиндан бери давом этиб келаётган голсиз серияга барҳам беришди. Артета жамоаси ўз очколарини 17тага етказиб, жадвалда 14-ўринга кўтарилди.

Англия премьер-лигаси, 15-тур
Арсенал – Челси 3:1 (2:0)
Голлар: 1:0 – 34, пенальти Ляказетт, 2:0 – 44 Джака, 3:0 – 56 Сака, 3:1 – 85 Абрахам.
Ноаниқ пенальти: Жоржиньо (90+1, дарвозабон)
Арсенал – Лено, Холдинг, Тирни, Мари, Бельерин, Эль-Ненни, Сака, Смит-Роу (Уиллок, 65), Жака, Мартинелли (Пепе, 71), Ляказетт (Мустафи, 90).
Челси – Менди, Зума, Чилуэлл, Джеймс, Тиаго Силва, Ковачич (Жоржиньо, 46), Маунт, Канте (Хавертц, 74), Пулишич, Вернер (Хадсон-Одои, 46), Абрахам.
Огоҳлантиришлар: Мари (16), Тиаго Силва (73), Тирни (83).