Angliyaning «Vest Bromvich» klubi bosh murabbiyi Sem Ellardays APLning 15-tur doirasida «Liverpul» (1:1) klubiga qarshi o‘tkazilgan o‘yindan keyingi fikrlarini bildirdi.

«Bu ajoyib bo‘ldi. Fantastik natijalarni qayd etayotgan ajoyib jamoaga qarshi himoyalanishimiz kerakligini bilardik. «Liverpul»ga imkon qadam muammo tug‘diradigan reja tuzdik va o‘z rejamizni amalga oshirishga imkon qadar harakat qildik.

«Liverpul» har doim o‘yinni o‘ziga oladi, ular darvozamizga zarba yo‘llash imkoniyatiga ega bo‘ldi deb o‘ylamayman. Men darvozabonimiz Sem Jonstonga katta bosim o‘tkazilganligini ko‘rmadim, bu esa biz qanchalik yaxshi ishlaganimizni ko‘rsatib turibdi. Odamlar bizning omadimiz kelganini aytishlari mumkin, lekin futbolchilar tomonidan katta kuch sarflandi va ular raqib maydonchasi ichida o‘z omadlarini izlashdi.

O‘ylaymanki, haqiqatdan ham yaxshi tashkillashtirilgan o‘yin muhim edi. APLdagi eng yaxshi jamoaning maydonida ularga muammo tug‘dirish uchun bor imkoniyatimizni ishga soldik. Futbolchilarim qanday fantastik ishni amalga oshirishdi! Durang o‘ynaganimizdan shunchaki xursandman», – dedi Ellardays.