Англиянинг «Вест Бромвич» клуби бош мураббийи Сэм Эллардайс АПЛнинг 15-тур доирасида «Ливерпуль» (1:1) клубига қарши ўтказилган ўйиндан кейинги фикрларини билдирди.

«Бу ажойиб бўлди. Фантастик натижаларни қайд этаётган ажойиб жамоага қарши ҳимояланишимиз кераклигини билардик. «Ливерпул»га имкон қадам муаммо туғдирадиган режа туздик ва ўз режамизни амалга оширишга имкон қадар ҳаракат қилдик.

«Ливерпуль» ҳар доим ўйинни ўзига олади, улар дарвозамизга зарба йўллаш имкониятига эга бўлди деб ўйламайман. Мен дарвозабонимиз Сэм Жонстонга катта босим ўтказилганлигини кўрмадим, бу эса биз қанчалик яхши ишлаганимизни кўрсатиб турибди. Одамлар бизнинг омадимиз келганини айтишлари мумкин, лекин футболчилар томонидан катта куч сарфланди ва улар рақиб майдончаси ичида ўз омадларини излашди.

Ўйлайманки, ҳақиқатдан ҳам яхши ташкиллаштирилган ўйин муҳим эди. АПЛдаги энг яхши жамоанинг майдонида уларга муаммо туғдириш учун бор имкониятимизни ишга солдик. Футболчиларим қандай фантастик ишни амалга оширишди! Дуранг ўйнаганимиздан шунчаки хурсандман», – деди Эллардайс.