Mahoratli himoyachi Farhod Mirahmatov "Navbahor" bilan 1+1 ko‘rinishidagi shartnoma imzoladi. Bu haqda klub matbuot xizmati xabar tarqatdi. Mazkur futbolchi 1994 yilning 5 avgustida Toshkent shahrining Uchtepa tumanida tug‘ilgan.
Futbolchilik faoliyati davomida “Paxtakor” (Toshkent, yoshlar jamoasi, 2012 yil), “Oq-tepa” (Toshkent, 2013 - 2016 yilning 1-davrasi), “Obod” (Toshkent, 2016 yilning 2-davrasi – 2017 yil), “So‘g‘diyona” (Jizzax, 2018 yilning 1-davrasi), “Andijon” (Andijon, 2018 yilning 2-davrasi – 2020 yil) jamoalarida o‘ynagan.
Avvalroq, namanganliklar "Andijon"ning yana bir futbolchisi Xushnudbek Avilovni ham o‘z safiga qo‘shib olgan edi.