Kataloniyaning «Barselona» klubi himoyachisi Ronald Arauxo La Liganing 16-tur doirasida «Eybar» (1:1) klubi bilan o‘yinda qayd etilgan natija haqida fikr bildirdi.
«Uch ochkoni qo‘lga kirita olmaganimiz alam bo‘ldi, juda muhim ochkoni boy berdik. Gol o‘tkazib yuborgan vaziyatimizda xatoga yo‘l qo‘ydim. Javobgarlikni o‘z bo‘ynimga olaman. Hammasi juda tez amalga oshdi, hujumchini qanchalik yaqin ekanligini ko‘rmadim. Bunday xatoga yo‘l qo‘ymasligim kerak edi. Konsentrasiya yetishmadi.
Boshni baland ko‘tarishimiz, kuchli bo‘lishimiz va ishlashimiz kerak. Natija albatta bo‘ladi. Biz La Liga chempionligi uchun kurasha olamiz. Biz - «Barselona»miz, hech qachon taslim bo‘lmaymiz. Futbolda juda ko‘plab hodisalar sodir bo‘lishi mumkin. Biz gol urishni va g‘alaba qozonishni xohlagandik», – dedi Arauxo.
