Madridning «Atletiko» klubi bosh murabbiyi Diyego Simeone La Liganing 16-tur doirasida «Xetafe» (1:0) ustidan qo‘lga kiritilgan g‘alaba haqidagi fikrlari bilan o‘rtoqlashdi.

– Har doimgidek «Xetafe»ga qarshi qiyin o‘yin bo‘ldi. Dastlabki 30 daqiqada o‘zimiz xohlagan o‘yinni namoyish etdik, gol kiritdik, hisobni yanada oshirish uchun ko‘plab imkoniyatlarni sodir etdik. Shundan keyin esa o‘yinimiz uncha qovushmadi.

Ikkinchi bo‘limda bizda aytarli imkoniyat bo‘lmadi, to‘g‘ri ularda ham vaziyat bo‘lmadi, lekin ular yaxshi pressing uyushtirishdi va o‘yinni oxirigacha o‘yin natijasi aniq emasdi. Bunday hisob doim xavfli bo‘lgan.

– «Atletiko»ni 1000 ta o‘yinda boshqarishingiz mumkinmi?

– Men klubga kelgan paytimda rahbariyat bilan uchrashdim va o‘yindan o‘yinga o‘sib borishimizni aytganman. Hozirgacha men bu g‘oyani o‘zgartirishni xohlamayman.

Har bir o‘yinni so‘nggisi deb his qilaman. Agar jamoani tark etishga birorta sabab bo‘lmasa, men ishlashda davom etaman, – dedi Simeone.