Мадриднинг «Атлетико» клуби бош мураббийи Диего Симеоне Ла Лиганинг 16-тур доирасида «Хетафе» (1:0) устидан қўлга киритилган ғалаба ҳақидаги фикрлари билан ўртоқлашди.
– Ҳар доимгидек «Хетафе»га қарши қийин ўйин бўлди. Дастлабки 30 дақиқада ўзимиз хоҳлаган ўйинни намойиш этдик, гол киритдик, ҳисобни янада ошириш учун кўплаб имкониятларни содир этдик. Шундан кейин эса ўйинимиз унча қовушмади.
Иккинчи бўлимда бизда айтарли имконият бўлмади, тўғри уларда ҳам вазият бўлмади, лекин улар яхши прессинг уюштиришди ва ўйинни охиригача ўйин натижаси аниқ эмасди. Бундай ҳисоб доим хавфли бўлган.
– «Атлетико»ни 1000 та ўйинда бошқаришингиз мумкинми?
– Мен клубга келган пайтимда раҳбарият билан учрашдим ва ўйиндан ўйинга ўсиб боришимизни айтганман. Ҳозиргача мен бу ғояни ўзгартиришни хоҳламайман.
Ҳар бир ўйинни сўнггиси деб ҳис қиламан. Агар жамоани тарк этишга бирорта сабаб бўлмаса, мен ишлашда давом этаман, – деди Симеоне.
