«Chelsi» klubi rasmiy sayti mavsum-2019/2020 moliyaviy hisobotini e’lon qildi. Unga ko‘ra, londonliklar 32,5 million funt sterling miqdorida foyda ko‘rishdi.

Klubning daromadi undan avvalgi mavsumga nisbatan taqqoslaganda kamaygan. Jamoa mavsum-2018/2019da 446,7 mln. funt daromad olgan bo‘lsa, o‘tgan mavsumda daromad 407,4 mln. funtni tashkil qildi.

E’lon qilingan moliyaviy hisobot yilida "Chelsi" Eden Azar boshchiligidagi bir necha nafar futbolchilarni sotdi. Alvaro Morata va Mario Pashalichning transferidan tushgan pullar keyingi hisobotda inobatga olinadi.

Teletranslyasiyalardan tushgan daromad 17,6 mln. funtdan 12,2 mln funtga tushgan.

«Chelsi» o‘tgan mavsumda Angliya chempionatida 4-o‘rinni egallagan bo‘lsa, Angliya kubogida finalga qadar, YECHLda esa nimchorak final bosqichiga chiqdi.