Angliyaning «Liverpul» klubi bosh murabbiyi Yurgen Klopp APLdagi koronavirus bilan bog‘liq vaziyat haqida fikr bildirdi.

«Men shifokor emasman, leyin o‘ylaymanki, musobaqani davom ettirishi uchun bor imkoniyatlarni ishga solishimiz kerak. Qishda koronavirusning ikkinchi to‘lqini bo‘lishini bilardik. Buning ustida odamlar Rojdestvo bayrami arafasida o‘zini kasallikdan qutqarish uchun beparvolikka yo‘l qo‘yishdi. Shuning uchun kasallanganlar soni ortib ketdi.

Albatta, kasallangan soni futbolda ham o‘smoqda, ammo biz ham futbolchilarni iloji boricha xavfsiz saqlash uchun qo‘limizdan kelganini qilamiz. O‘ylaymanki, musobaqa davom ettirilishi mumkin. Bu muhim, chunki insonlar futbol o‘yinlarini tomosha qilishni xohlashmoqda va biz jamiyatning qolgan qismidan farqli o‘laroq ajralib turamiz.

O‘ylaymanki, o‘ynashda davom etishimiz mumkin, lekin mutaxassislarni hurmat qilaman, shuningdek, yaqin haftalarda qabul qilinadigan barcha qarorlarni ham hurmat qilaman», – dedi Klopp.