Англиянинг «Ливерпуль» клуби бош мураббийи Юрген Клопп АПЛдаги коронавирус билан боғлиқ вазият ҳақида фикр билдирди.
«Мен шифокор эмасман, лейин ўйлайманки, мусобақани давом эттириши учун бор имкониятларни ишга солишимиз керак. Қишда коронавируснинг иккинчи тўлқини бўлишини билардик. Бунинг устида одамлар Рождество байрами арафасида ўзини касалликдан қутқариш учун бепарволикка йўл қўйишди. Шунинг учун касалланганлар сони ортиб кетди.
Албатта, касалланган сони футболда ҳам ўсмоқда, аммо биз ҳам футболчиларни иложи борича хавфсиз сақлаш учун қўлимиздан келганини қиламиз. Ўйлайманки, мусобақа давом эттирилиши мумкин. Бу муҳим, чунки инсонлар футбол ўйинларини томоша қилишни хоҳлашмоқда ва биз жамиятнинг қолган қисмидан фарқли ўлароқ ажралиб турамиз.
Ўйлайманки, ўйнашда давом этишимиз мумкин, лекин мутахассисларни ҳурмат қиламан, шунингдек, яқин ҳафталарда қабул қилинадиган барча қарорларни ҳам ҳурмат қиламан», – деди Клопп.
