Angliyaning "Aston Villa" klubi bosh murabbiyi Din Smitning fikricha, "MYU"ga qarshi bo‘lib o‘tgan o‘yinni boshqarib borgan Maykl Oliver penalti belgilashda xatoga yo‘l qo‘yganini aytib o‘tdi.
"Manchester Yunayted" va "Aston Villa" jamoalari o‘rtasida "Old Trafford"da bo‘lib o‘tgan o‘yin taqdirini Pol Pogbaga ishlatilgan qo‘pollik uchun belgilangan penalti hal qildi.
Pogba raqib jarima maydonchasi ichida Duglas Luis bilan kurashda yiqildi, bosh hakam Oliver esa VAR tizimiga murojaat qildi, lekin lekin videotakrorni o‘zi tomosha qilmadi.
"O‘yin paytida haqiqatdan ham penaltidek tuyuldi. Duglas Luis Pogbani juda qattiq ushladi deb o‘yladim. Lekin qachonki takroran tomosha qilganimda, Pogbaning o‘zi yiqilganini ko‘rdim.
"Nazarimda, Maykl Oliver monitorga borishi kerak edi. VAR shuning uchun mo‘ljallangan. Agar biror vaziyatga shubha bo‘lsa, u holda bosh hakam monitorga borishi va qayta tomosha qilish kerak.
"O‘yin paytida bu penaltiga nisbatan menda shubha bo‘lmagandi. Lekin Pogbaning o‘zi qoqilib tushganini ko‘rish mumkin. O‘sha vaziyatni takroran ko‘rgach, penaltini noto‘g‘ri belgilaganiga amin bo‘ldim", — dedi Smit Sky Sports bilan suhbatda.
