Англиянинг "Астон Вилла" клуби бош мураббийи Дин Смитнинг фикрича, "МЮ"га қарши бўлиб ўтган ўйинни бошқариб борган Майкл Оливер пенальти белгилашда хатога йўл қўйганини айтиб ўтди.
"Манчестер Юнайтед" ва "Астон Вилла" жамоалари ўртасида "Олд Траффорд"да бўлиб ўтган ўйин тақдирини Поль Погбага ишлатилган қўполлик учун белгиланган пенальти ҳал қилди.
Погба рақиб жарима майдончаси ичида Дуглас Луис билан курашда йиқилди, бош ҳакам Оливер эса VAR тизимига мурожаат қилди, лекин лекин видеотакрорни ўзи томоша қилмади.
"Ўйин пайтида ҳақиқатдан ҳам пенальтидек туюлди. Дуглас Луис Погбани жуда қаттиқ ушлади деб ўйладим. Лекин қачонки такроран томоша қилганимда, Погбанинг ўзи йиқилганини кўрдим.
"Назаримда, Майкл Оливер мониторга бориши керак эди. VAR шунинг учун мўлжалланган. Агар бирор вазиятга шубҳа бўлса, у ҳолда бош ҳакам мониторга бориши ва қайта томоша қилиш керак.
"Ўйин пайтида бу пенальтига нисбатан менда шубҳа бўлмаганди. Лекин Погбанинг ўзи қоқилиб тушганини кўриш мумкин. Ўша вазиятни такроран кўргач, пенальтини нотўғри белгилаганига амин бўлдим", — деди Смит Sky Sports билан суҳбатда.
