Kataloniyaning «Barselona» klubi yarim himoyachisi Karles Alenya mavsumning qolgan qismini boshqa jamoada o‘tkazadi.

Ispaniya matbuotining tarqatgan ma’lumotiga qaraganda, futbolchini «Xetafe» klubi ijaraga olmoqda. Bitim bugun rasman e’lon qilinadi.

Kataloniyaliklar bosh murabbiyi Ronald Kuman yarim himoyachiga ishonch bildirmayotganini aytib o‘tgandi.

22 yoshli Alenya «Barselona»ning 2020/21 mavsumdagi 5 ta o‘yinida maydonga tushdi. Uning «ko‘k-anorranglilar» bilan amaldagi shartnomasi 2022 yilning 30 iyun kunigacha amal qiladi.