Каталониянинг «Барселона» клуби ярим ҳимоячиси Карлес Аленья мавсумнинг қолган қисмини бошқа жамоада ўтказади.
Испания матбуотининг тарқатган маълумотига қараганда, футболчини «Хетафе» клуби ижарага олмоқда. Битим бугун расман эълон қилинади.
Каталонияликлар бош мураббийи Рональд Куман ярим ҳимоячига ишонч билдирмаётганини айтиб ўтганди.
22 ёшли Аленья «Барселона»нинг 2020/21 мавсумдаги 5 та ўйинида майдонга тушди. Унинг «кўк-анорранглилар» билан амалдаги шартномаси 2022 йилнинг 30 июнь кунигача амал қилади.
