Londonning «Tottenxem» bosh murabbiyi Joze Mourinyo Angliya Liga Kubogi yarim final doirasida «Brentford» klubi ustidan qo‘lga kiritilgan g‘alaba haqidagi fikrlari bilan o‘rtoqlashdi.
«Ushbu g‘alaba bizni finalga olib chiqdi va bundan juda xursandman. Bizda kuchli o‘yinlarni va "London derbisi"ni o‘tkazdik, lekin aynan mana shu uchrashuv bizni final sari yetakladi.
Yo‘llanma qo‘limizda, lekin final o‘yiniga yana uch oy vaqt bor, shu sababli biz bor e’tiborimizni oldinda turgan o‘yinlarga qaratamiz. Oldimizda Angliya Kubogi, Premyer-liga, Yevropa Liga o‘yinlari turibdi, shu sababli, Liga Kubogi finalini hozircha unutamiz. Biroq, aprel oyida finalda g‘olib chiqish haqida o‘ylashimiz kerak.
O‘yin bizning nazoratimiz ostida o‘tdi. Yo‘q, biz zo‘r o‘yin namoyish etmadik, ba’zida noto‘g‘ri qarorlar qabul qildi, ba’zida ortiqcha to‘p uzatishlarni amalga oshirdi, qayerdadir kamroq nazorat qildik, lekin baribir bizning nazoratimiz ostida bo‘ldi. Biz mavsum oxirida katta ehtimol bilan Premyer-Ligaga yo‘llanma oladigan jamoaga qarshi yaxshi o‘ynadik», - dedi Joze.
